藝術家Ayip｜專訪｜ 純粹之中尋找自我

藝術家Ayip｜專訪｜純粹之中尋找自我

【Affordable Art Fair Hong Kong 2025| 香港藝術家系列】

Affordable Art Fair Hong Kong 2025 近日圓滿落幕，日山藝社與參與了是次國際性展覽、來自本地藝廊Goolu Gallery @goolugallery 的香港藝術家進行了一系列的個人專訪，期望讓更多人深入認識本地創作背後的理念以至藝術家的獨特美學，豐富城市藝術想像。

Ayip

喜歡以黑色墨水筆進行創作，作品裏經常出現大量捉摸不定而又細膩的線條，以自由遊走的線條配合人像描繪，分享他對自身和周遭事物的看法；其作品有時會以大膽的色彩運用，抽象的形式語言以及對日常生活的哲學反思為核心，呈現出獨特的視覺敘事。他亦積極推廣新興藝術家，通過展覽、聯成企劃及線上展示，搭建藝術家與觀眾之間的橋樑。

訪問內容：

Q1/ 為甚麼鍾情於用黑色墨水筆作畫並以線條構圖？

“線條畀我嘅感覺好似頭髮咁觸摸不到、無定向、好舒服。初時都唔知點解咁鍾意畫線條，因為係要花好多時間去畫，但平時好分心諗嘢好跳嘅我，畫複雜線條嘅時候可以好focus，畫兩三個鐘感覺好放空、好peaceful，畀到我一種自癒嘅感覺。”

Q2/ 你的藝術作品曾受到那些當代藝術風格或藝術家所影響？

“我嘅作品好受日本元素所影響，我欣賞嘅動畫大師有寺田克也、大友克洋及宮崎駿，佢哋嘅作品帶畀全世界嘅人好多感動、震撼同可能性，原來畫公仔漫畫都可以咁深層影響全世界，仲有好多藝術家都係。另一個好影響我嘅藝術家係James Jean，佢嘅作品又係好震撼同好colorful，佢將漫畫同藝術融合得好好，畀到我創作上好多想像空間及啟發。”

Q3/ 你是如何思考創作的主題？襯托主體的圖案與主題有著怎樣的關係？

“我畫畫分咗唔同階段，一開始係focus畫線，好少顏色，因為我想借助好密集嘅線講平時好擠擁、缺乏空間嘅生活，慢慢開始唔想只係表達心情，想有主題，有形象化啲，調整後就用多咗color。

我鍾意動物，特別係魚嘅形態，魚尾嘅擺動同頭髮有啲相似，每一個角度睇都唔同，一樣觸摸不到，畀我一種自由嘅感覺。而我又好鍾意日本嘅文化，包括歷史、工藝以至漫畫，所以都會想搵相關嘅元素去做創作，呢個搜集嘅過程我好開心，我都想我嘅作品可以帶畀人一種開心嘅感覺。”

Q4/ 你的作品有的用色鮮艷奪目，有的則只使用兩種原色，為甚麼會有這樣的處理？

“顏色越淡嘅係我最早期的作品，純粹表達對生活的感受，之後開始諗topic就想加返啲色彩， 同埋心態隨著年紀唔同咗，尤其經歷完COVID 唔想作品只係呈現好深層好dark嘅一面，反而想大家記得開心嘅事。

我其中一幅最新作品嘅主題係我小時候夢想嘅三輪車，源於 COVID時搵返細個儲嘅貼紙同卡，因為咁認識咗一班差唔多年紀嘅朋友，大家一講返就有linkage。原來細個開心嘅moment咁有感染力，每一個人應該都有一個屬於自己嘅magic moment。新畫作就係想capture返呢種感覺，生活可能好多壓力，但都要記得細個仍可以抖氣、可以夢想、可以天馬行空嘅自己，我想大家都搵得返呢個感覺。”

Q5/ 你對於那些對藝術創作感興趣的人有甚麼心得想要分享？

“我係今次展覽都遇到好多開始咗創作又停咗嘅人，記得搵返乜嘢令你最開心，唔好用靚唔靚去評論自己嘅作品，反而係你創作嘅時候有幾focus，從中可以令你分開你自己同世界嘅瓜葛，做返你自己。

我知道有啲人唔敢畫好大張畫，因為好驚完成唔到，但當你落第一筆，你就總有一日會完成，就可以同你自己講你係做得到，你就會有下一次。First step係最難，比自己時間去做， 我相信之後就會有第二筆。好多人覺得第一筆就要完成，千奇唔好有呢個錯嘅觀念，反而係你開始咗第一筆之後，點樣搵到個方向同節奏去令你enjoy件事，其實係幫你搵返自己。”
-
(圖片來源：日山藝社)

-

香港本地藝術家介紹｜Ayip

——

藝術無處不在，那麼藝術家呢？

我們想將那些在城市裏默默畫、默默拍、默默創作的香港本地藝術工作者，由工廈、街頭或家中帶到日山藝社，讓更多人認識他們對藝術獨一無二的視野，了解他們作品背後的創作理念等，這一切源於我們深信，用心創作的藝術品值得更多人看見。

如欲購買更多藝術家之作品，歡迎於"藝術良品入手"購物平台專區購買，支持本土藝術！
-
Additional Link:
1. 彭怡 Rainbo 之Instagram: @rainbo_aws
2. Rainbo彭怡 Profile